Blogio yn y gymraeg….
Posted on Sunday, January 28, 2007 at 9:38pm
no responses
Wedi i mi ddod yn ol o Lundain, sylweddolais ar y blog bod nifer wedi beirniadu fy ‘niffyg’ blogio drwy’r gymraeg. Rhaid i mi ddweud bod e’n mater o’m dewis i ba iaith rwy’n defnyddio ar y blog. Fel rwyf wedi dweud o’r blaen, dyw blog ddim fel datganiad i’r wasg sydd yn gorfod bod yn ddwyieithog. Blog yw llif y meddwl, a dylsen i gallu blogio drwy’r gymraeg, neu’r saesneg, neu pa bynnag iaith arall o’m dewis i. Dydw i ddim am orfod amddiffyn fy hun ar y mater penodedig yma.
Rwyf yn ymgyrchwr brwd sydd yn rhan o’r frwydr am hawliau cyfartal i’r gymraeg. Fe wnes i ysgrifennu cynnig Plaid ar Ddeddf Iaith Newydd sydd yn rhan o brif Maniffesto’r Blaid yn awr, ac rwy’n ffyddlon i’r achos. Mae’r ddadl am ba iaith rwy’n dewis ysgrifennu blog ddim yn rhan o’r drafodaeth ehangach ar Ddeddf Iaith Newydd yn fy marn i.
Ar ddiwedd y dydd, onid yw’n llesol gweld pobl newydd o’r Blaid yn blogio ac yn ehangu’r drafodaeth gwleidyddol ar y we?
